مفيش اي مشكلة ان يكون في مصلحة بين الناس
" تجربة شخصية "
كان في ناس كتير حواليا كنت بحبهم وكنت فاكرهم بيحبوني واي حد كان بيطلب مني حاجة كنت بنفذها من غير تردد وكنت بعمل المستحيل عشان اساعده .
طبعا خلال الفترة دي كنت واخد جنب وتقريبا مش بكلم حد وكنت قافل موبايلي بس مرت الايام وشغلت الموبايل تاني .. لاقيت الناس دي بتكلمني بس للاسف مش عشان يطمنوا عليا كانوا بيتصلوا عشان يطلبوا حاجات وخدمات عشان اقوم بيها .
وقتها قررت اني مش هزعل منهم ولا هكرهم وهعاملهم عادي بس من غير ما اعملهم اي خدمات .
نفذت ده فا ظهرت وشوش اول مرة اشوفها ظهرت حقيقتهم .. اللي حصل انهم كرهوني لمجرد اني مش هعملهم مصلحة يعني كانوا بيعاملوني عشان المصلحة مش اكتر طب معنديش مشكلة بس تكرهني لمجرد اني رفضت اعملك مصلحة اوطلب معين . !!!
وفي ناس مش بيفتكروني غير لما يحتاجوني في حاجة .
والناس دي انا عمري ما طلبت منهم اي خدمة او مصلحة او اي شيء بس كنت مستني منهم مصلحة بردوا انهم يكونوا كويسين وانا معنديش اي مشكلة استمر اساعدهم في اي حاجة يطلبوها بس يكونوا كويسين .
الخلاصة : مفيش اي مشكلة ان يكون في مصلحة في اي علاقة بالعكس ده شيء طبيعي ان الناس تطلب من بعض حاجات ويساعدوا بعض " انا مش ضد المصلحة "
المشكلة لما يكون هدفك في اي علاقة المصلحة بس وانك تستفيد والطرف التاني ميستفدش حتى ولو بسؤال بسيط منك عن احواله واخباره بدون مصلحة او طلب . وخصوصا لو غاب فترة .
تخيل الكلب اللي انت بتربيه وبتعمله مصلحة انك بتعتني بيه وبتأكله وتشربه هو بيقدملك مصلحة بردوا انه بيكون مخلص ووفي ليك . وحتي لو قصرت معه بيفضل مخلص ليك ومش بيكرهك بسهولة لمجرد اهمالك ليه .
عشان كدة اوقات كتير بنقارن طبيعة الكلاب بطبيعة ناس معينة من البشر والكلاب بتفوز وبتكون افضل مع ان الكلاب حيوانات .
شاهد فيديوهات القبطان من هنا اضغط لتشاهد فيديوهات القبطان
شروط التعليق إظهار محول الاكواد إخفاء محول الاكواد إظهار التعبيرات إخفاء التعبيرات