من خلالها هتحدد مكان موبايلك وتقدر تقفله برقم سري جديد وتقدر تمسح كل ملفاتك من صور شخصية او فيديوهات او حتي الاغاني
1- اعمل ايميل Gmail علي موبايلك ومتنساش تحفظه في دماغك او على اللاب توب او في ورقة ولو انت عندك ايميل وحافظه تدخل علي الخطوة التانية
2- ادخل علي الرابط ده اضغط هنا بالايميل اللي عملته علي موبايلك من خلال اللاب توب بتاعك او من خلال جهازك المكتبي واتاكد ان جهازك ظهر
3- هتلاقي 3 خيارات انك ترن علي موبايلك او تقفله برمز جديد او تمسح الملفات اللي عليه غير انه بيحدد مكان جهازك
وممكن تجرب ترن علي موبايلك او تقفله برمز حماية جديد للتأكيد ان عملية الربط شغالة تمام
طب هتستفاد ايه من الموضوع ده ؟
في حالة ان موبايلك ضاع او اتسرق بتدخل علي الرابط ده وبتنفذ خطوة قفل موبايلك برقم سري جديد خصوصا لو انت مش عامل قفل للحماية وفي امكانية انك تكتب رسالة بتظهر علي الشاشة للشخص اللي معه الموبايل وممكن تكتب رقم موبايل للتواصل معاك
تاني حاجة بتنفذ خطوة مسح ملفات موبايلك يعني هتمسح صورك الشخصية وكل حاجة علي الجهاز
بس لازم الجهاز بعد ما يضيع يتصل بالنت يعني اللي سرقوا او اللي هيلاقي موبايلك وهيدخل علي النت هيلاقي البيانات وصورك الشخصية اتمسحت وهيلاقي الموبايل اتقفل برقم سري جديد مع رسالتك وبتعرف مكانه تقريبا بس مش بالظبط يعني ممكن تعرف هو موجود في منطقة ايه لكن مش هتعرف رقم البيت .
شروط التعليق إظهار محول الاكواد إخفاء محول الاكواد إظهار التعبيرات إخفاء التعبيرات