اهلا بيكم مع القبطان في الموضوع ده هنشرح طريقة فتح حساب بنكي في مصر وانواع الحسابات والفرق بينهم واسماء وفروع البنوك المصرية.
الموضوع بسيط جدا وهو انك تختار البنك وتروح لاقرب فرع ليك
الموضوع بسيط جدا وهو انك تختار البنك وتروح لاقرب فرع ليك
والبنوك الرسمية المصرية 3 بنوك وهما :
البنك الاهلي المصري
وبنك مصر
وبنك القاهرة
وكل اللي انت محتاجه هو بطاقة الرقم القومي وتكون سارية او جواز سفر يكون ساري
ويكون سنك فوق ال21 سنة ولو اقل من 21 سنة هتحتاج حد يكون واصي عليك وهتحتاج شهادة الميلاد في حالة انك اصغر من 16 سنة ولسة معملتش البطاقة .
وبالنسبة للحد الادني لفتح الحساب بيكون 1000 حنيه مصري + 85 جنيه مصاريف انشاء الحساب .ومصاريف ادارية كل 3 شهور 35 جنيه بالاضافة لـ 30 جنيه سنويا
اجمالي المصاريف التي يتم خصمها سنويا 170 جنيها
" وان شاء الله هيكون في تحديث مستمر في حالة زيادة او تخفيض الحد الادنى للحساب والمصاريف "
انواع الحسابات في البنك
في البنك هتلاقي نوعين من الحسابات وهما :
حساب التوفير والحساب الجاري
والحساب الجاري بتعتمد فكرته على إيداع وسحب الفلوس بشكل متكرر وحركة التعامل عليه بتكون عالية وسريعة وفي الاغلب بيكون مالوش فوايد
لكن حساب التوفير بيكون عليه عائد فوايد ممكن تكون شهرية او ربع سنوية او نصف سنوية او سنوية
عائد توفير : عائد نصف سنوي 11.625% سنويا
عائد توفير :عائد ربع سنوي 11.5% سنويا
عائد توفير : عائد شهري 11.25% سنويا
عائد توفير : عائد سنوي 11.75% سنويا
والمال المودع في الحساب الجاري بيكون مستحق في نفس لحظة الايداع او التحويل اما المال المودع في حساب التوفير يستحق اليوم التالي من ايداعه باستثناء العطلات الرسمية .
ودي اهم الفروق بين الحسابين
الخلاصة : لو انت شخص عادي ومش هتحتاج تكتب شيكات او تعمل ايداع وسحب يومي وتحويلات كتير اختار حساب التوفير افضل وهيكون ليه عائد مادي
لكن لو انت شغلك كتير ومحتاج تكتب شيكات وهتعمل تحويلات كتير الافضل ليك انك تفتح حساب جاري .
لو عجبك الموضوع اعمل مشاركة عشان غيرك يستفيد
وانتظرونا في موضوع جديد مع القبطان
شروط التعليق إظهار محول الاكواد إخفاء محول الاكواد إظهار التعبيرات إخفاء التعبيرات