نصائح مهمة قبل دخولك الجيش
1 - لو عندك شكوي مرضية او طبية اعمل تظلم عشان ممكن تطلع ومتقولش مش هطلع خد الخطوة واعمل تظلم
2- انت ورايح مركز التدريب البس حاجة مريحة عشان اليوم بيكون طويل 3- استخدم الحمام بالليل عشان بيكون فاضي الصبح بيكون زحمة
4 - اثناء الجمع للطوابير حاول دايما ماتبقاش فى الصف الاول ولا فى الصف الاخير ولا فى الاجناب خليك فى النص دايما باى طريقه بالذات فى مركز التدريب لان المربع الخارجى للجمع بيكون هو الضحيه دايما علشان الكل يخاف يعنى مجرد تشكيل مفتوح الصف الاول ممكن زحف وضرب وممكن الصف الاخير يطلع طُلبه مطبخ او اشغال والاجناب للطلتيش عادى .
5- متحاولش تستلم اى حاجة من الجيش مركبة - مخزن ..الخ
6- اتعامل مع كل العساكر على انها شمال الى ان يثبت العكس
7- لما تترحل علي وحدتك الاساسية اسأل العساكر القديمة عن النظام ماشي ازاي عشان تفهم الحوار بسرعة
8- لو عندك اي مهارة مش لازم تقولها لانهم هيسألوا مين بيعرف يسوق عربيات او نجار او حداد يعني لو مش حابب تدخل في الحورات دي متقولش مهارتك الا لو انت حابب ممكن تقول وهتلاقيهم اخدوك في مجالك اذا كان سواقة او كمبيوتر او اعمال ادارية ..الخ
9- حاول تبعد عن المناديب اللي بيجوا من الاسلحة ياخدوا ناس وخصوصا ابعد تماما عن بتوع الصاعقة و المظلات و القوات الخاصة قولهم انك تعبان وعندك مشاكل صحية .
10- لازم تعرف ان الدوسيه بتعك بيكون مقفول في مركز التدريب وبيتفتح لما بتروح القوة الاساسية فا متخليش حد يضايقك ومتخفش من الدوسيه
11- خلي عندك صبر عشان ايامك تعدي علي خير
12- اقنع نفسك انك بتقدم خدمة كبيرة لبلدك
13 - مدة مركز التدريب بتكون تقريبا 45 يوم
14- خلي بالك من مهماتك يعني محدش ياخد منك اي حاجه انت استلمتها لان كل حاجه استلمتها عهده عليك وهترجع تسلمها تاني وانت بتسلم جيش باذن الله
ادخل علي الرابط التالي عشان تعرف حاجات مهمة لازم تاخدها معاك وانت رايح الجيش مركز التدريب
http://www.elkobtan.com/2016/12/army.html
شروط التعليق إظهار محول الاكواد إخفاء محول الاكواد إظهار التعبيرات إخفاء التعبيرات