ليه الناس بتكره بعض ؟ سبب الحقد والغيرة بين الاخوات والاقارب والاصدقاء والجيران

ليه الناس بيكرهوا بعض ؟

هتقابل كتير في حياتك  ناس بيكرهوك وانت مش عارف السبب ايه او بيكرهوك من غير سبب وهتشوف ناس كتير بيكرهوا بعض مع انهم صحاب وجيران واخوات واقارب وانت مش عارف ايه السبب !

وفي الموضوع ده هنشرح سبب
" ليه الناس بيكرهوا بعض ؟ وسبب الحقد والغيرة بين الاخوات والاقارب والاصدقاء والجيران "



السبب ان الناس دي بياخدوا اي حد يعرفوه

 كا  " منافس " 

حتي لو الشخص ده كويس معاهم ومفيش بينه وبينهم مشاكل بيحطوه في خانة المنافس ليهم
 فا تلاقيهم بيبتدوا يغيروا منه ولو حقق نجاح بسيط هيكرهوه وهيتمنوا انه مينجحش حتي لو في شيء بسيط .

بيكونوا ديما عايزيين اي حد يعرفوه او اي حد حواليهم يكون اقل منهم .

 اقل منهم في الفلوس والوظيفة والمظهر والشكل وفاشل في علاقاته وفي الجواز واقل منهم حتي في الصحة .

وبيعملوا كدة نتيجة نقص في شخصيتهم وللاسف الموضوع بيكون مرتبط معاهم بالسعادة يعني لو الناس اللي حواليهم فاشيلن ومش محققين نجاح هيكونوا فرحانين والعكس هيزعلوا لو الناس اللي حواليهم ناجحين .

والمشكلة ان محدش منهم عنده الغيرة الصحية بمعني انهم يفرحوا لاي حد حقق نجاح ويغيروا منه ويحاولوا ينجحوا زيه من غير كره .

 يعني متستغربش لو انت كويس مع حد وبتحبه وبتخدمه وبتساعده ديما 
وفجأة اكتشفت انه بيكرهك وبيتمنالك الشر او ممكن يضرك كمان .

 لان هو سعادته مرتبطة ان محدش حواليه ينجح حتي لو نجاح بسيط .. وهيزعل لو حد من معارفه حقق نجاح بسيط .

 الخلاصة الشخصيات دي لازم تتجنبهم علي قد ما تقدر ولانهم كتير جدا مش هينفع تقاطع الكل 

تجنبهم وبس وحاول متخليش فرصة لحد انه يضرك وزي ما بيقول المثل حرص ولا تخون

شاهد ايضا : نصيحة واحدة فقط لكي تكون سعيدا


شكراً على التعلق