اهلا بيكم في موضوع جديد علي موقع القبطان دوت كوم وبعد غياب طويل و في البداية بتأسف للجميع علي التأخير في نشر مواضيع جديدة او فيديوهات جديدة علي قناة اليوتيوب وده كان بسبب ظروف خاصة وان شاء الله الفترة الجاية في مواضيع وفيديوهات جديدة
وموضوع النهاردة عن طريقة نسيان الحبيب وازاي تنسى حد بتحبه وتتخلص من حالة الحزن في خطوات سهلة وبسيطة
خطوات نسيان شخص تحبه :
1- الخطوة الاولي والمتكررة ولازم تتنفذ لو فعلا عايز تنسى الشخص ده وهي قطع كل وسائل التواصل بالشخص ده
" في بعض الناس كانوا بيشتكوا انهم مش هيقدروا ينفذوا الموضوع ده لانه مثلا قريبهم او جارهم او شغال معاهم وفي الحالة دي لازم بذل مجهود ومحاولة تجنب الشخص ده علي قدر الامكان وتجاهله تماماً " طبعا بعد قطع التواصل معه علي الموبايل او وسائل التواصل الاجتماعي
2- وقت الفراغ عدوك الاول
في حالة وجود وقت فراغ عندك اتاكد انك مش هتقدر تنسى الشخص ده لان طالما في وقت فراغ عقلك وتفكيرك هيفتكر الشخص ده وهتفكر قد ايه اتظلمت في العلاقة دي
واول الطريق لنسيان شخص بتحبه انك تشغل نفسك عشان متفكرش في الذكريات اللي حصلت بينك وبينه
3- بلاش تسمع اغاني حزينة عن الفراق او افلام رومانسية او حتى اغاني عن الحب ابعد عن اي شيء هيخليك تتشد للمنطقة دي اللي هتفكرك بحبيبك السابق
4- اتعلم حاجة جديدة
اتعلم تعزف الة موسيقية او اتعلم ترسم او اتعلم لغة جديدة او اتعلم التصميم علي الفوتوشوب اي انجاز هتحققه في الفترة دي هيفرق معاك جدا
5- لو تقدر تسافر او تخرج مع اصحابك وتغير جو الموضوع ده هيفرق معاك جدا وهيساعدك في تغيير الموود
6- متقفلش علي نفسك وحاول تتعرف علي ناس جديدة
ومتنساش تشوف الموضوع ده هيساعدك جدا تسنى حبيبك السابق
اضغط هنا لتشاهد الفيديو الخاص بنسيان الحبيب
الخلاصة : نسيان الحبيب شيء مش صعب لكن محتاج شوية مجهود وشوية وقت وان شاء الله هتقدر تنساه واتاكد ان ربنا هيعوضك بشخص افضل منه بكتير وربنا يوفقك في حياتك الجاية
متنساش تتابع القبطان علي الفيس بوك من هنا
شروط التعليق إظهار محول الاكواد إخفاء محول الاكواد إظهار التعبيرات إخفاء التعبيرات